جميع الأوقات تستخدم GMT + 3 ساعات

آخر المشاركات
    .. كسلا الوريفة ..     »  قد يباع التاريخ في كسلا   .:.  اخر رد: عبدو منصور  .:. الردود: 69     .. كسلا الوريفة ..     »  عالم زين   .:.  اخر رد: يوسف حسن العوض  .:. الردود: 0     .. كسلا الوريفة ..     »  حيرة   .:.  اخر رد: الدرديري كباشي الامين  .:. الردود: 560     .. كسلا الوريفة ..     »  اشتقنالك   .:.  اخر رد: خالد عوض السيد  .:. الردود: 0     .. كسلا الوريفة ..     »  الخواء /قصه قصيره   .:.  اخر رد: فايز النورس  .:. الردود: 1     .. كسلا الوريفة ..     »  يا أحبابي أنا جيتكم مهرول   .:.  اخر رد: ابو اسيل  .:. الردود: 9     .. كسلا الوريفة ..     »  دعوة لوالى كسلا في يوم السياحة العالمي   .:.  اخر رد: عبدو منصور  .:. الردود: 1     .. كسلا الوريفة ..     »  قرع طبول في الأحراش (قصة قصيره)   .:.  اخر رد: فايز النورس  .:. الردود: 0     .. كسلا الوريفة ..     »  أيام زمان .. نسخة جديدة منقحة   .:.  اخر رد: الدرديري كباشي الامين  .:. الردود: 221     .. كسلا الوريفة ..     »  شهادة الترابي .. كاد المريب ان يقول خذوني   .:.  اخر رد: عبدو منصور  .:. الردود: 1


إرسال موضوع جديد هذا الموضوع مغلق ، لا تستطيع تعديله أو إضافة الردود عليه  [ 102 مشاركة ]  الانتقال إلى صفحة 1, 2, 3, 4, 5, 6  التالي
الكاتب رسالة
 عنوان المشاركة: فنجان جبنة في توتيل مع الأستاذ صلاح الدين مصطفى
مشاركةمرسل: 24 مايو 2009, 12:11 
كسلاوي فوق العادة
كسلاوي فوق العادة
صورة العضو الشخصية
غير متصل

اشترك في: 21 مايو 2006, 09:32
مشاركات: 1547
مواضيع: 113
مكان: متحدرٌ من ذروة تعب

شخص جميل المحيأ والدواخل ... تعودنا منه خفة الدم ... وسرعة البديهة ... أريحي في تعامله رغم انه استاذنا ... متواضع حد البساطة والزهد .... دعوناه للجلوس على فنجان القهوة لننهل من فيضه بعض غيض .... ولعلنا من كبد إجاباته ودردشاته وتواريخ الحنين المتوافرة في قلبه نستولي على معقل المتاهات الضالّة في ذكرياتنا ، فهو قلم يعيد رصف الحكايات من تعثر الخطو الى أبدية القول بمهارة ودقة ، يردد صدى قوله بين الحنين والوله حينما تضطرب بوصلة رحيله بعيداً عن حقول تمددها في ذلكـ الحي الصغير الذي جمعنا ذات يوم وفي تلكـ المدينة الرؤؤومة كسلا ....
الأستاذ صلاح ، ندعوكـ لكتابة بطاقتكـ الشخصية التقليدية ، وسيجي بعض الرفاق والأصدقاء القدامى ليدفنوا المساء في حلكة الذكريات حتى تضي عيون الكلمات وتشرق شمس المودة وينتشر دف الترابط ..
مرحباً استاذ صلاح مصطفى ... وأرمي لينا لقيمات عشان نبدأ بيها الفنجان
أسمكـ ، ميلادكـ ، مراحلكـ التعليمة ، محطاتكـ الواضحة ، وبعض نقرشات جميلة


_________________
صورة
صورة
صورة


أعلى
 ;
 
 عنوان المشاركة: Re: فنجان القهوة مع الأستاذ صلاح مصطفى
مشاركةمرسل: 24 مايو 2009, 14:52 
كسلاوي فوق العادة
كسلاوي فوق العادة
صورة العضو الشخصية
غير متصل

اشترك في: 19 فبراير 2008, 15:43
مشاركات: 3951
مواضيع: 380

خيراً فعلت اخي صديق
الف مرحب بالاستاذ صلاح مصطفي
في فنجان جبنة بمنتجع توتيل السياحي




صورة

_________________

اللهم اجعلنا ممن يحافظ على صلاة الفجر,,, ونجينا من عذاب القبر ,,,, وضربات الشجاع الاقرع


أعلى
 ;
 
 عنوان المشاركة: Re: فنجان القهوة مع الأستاذ صلاح مصطفى
مشاركةمرسل: 24 مايو 2009, 21:49 
كسلاوي يملا العين
كسلاوي يملا العين
غير متصل

اشترك في: 11 أغسطس 2008, 14:23
مشاركات: 246
مواضيع: 18
اولا بسم الله الرحمن الرحيم ونحن بنجهز لزوم الجبنة نحمد الله على سلامة الاخ عمر احمد ونسال الله ان يمتعوا بكامل العافية والصحة امين يا رب العالمين0
الاخوة الاعزاء ابناء وبنات كسلا الرائعة ، مدينة لها طله خاصة جميلة ومدهشة ، سمحة وما ممكن توصف ، هى تختلف عن المدن الاخرى ، صباح كسلا غير ، سوق كسلا غير وانسان كسلا غير وكلهم سواء فى تعاملهم ، قدر لى ان ازور كثير من مدن السودان اجزم ان هناك فرق 0
صلاح الدين مصطفى محمد نور مواليد اشلاق بوليس كسلا ، فى يوم الاثنين الموافق 04/04/1958م 0 على فكرة ابو هالة اكل السماية بتاعتى 0
مراحل الدراسةاولى صغرى فى مدينة وقر والاولية حتى السنة الثانية فى اروما واكملتها فى حلفا الجديدة حتى ثانية متوسط ثم ثالثة متوسط فى بانت المتوسطة ثم الثانوى كسلا الثانوية ثم المرحلة الجامعية كلية الاقتصاد جامعة الخرطوم0
طبعا ده مع اول فنجان بن وانا عامل حسابى من جميع الاخوة الوريفاب والكل يعرفنى باكامبو المنتدى ولكن انا جاهز وبالاخص من ناس جنوب المملكة وناس جدة وناس الخرطوم بحرى اعنيك يا ابوهالة الموقر والجموم وحائل والرياض انا جاهز بعد ما ورطنى الولد الشقى ود رحمة وانا تاريخ الميلاد صحيح انا عارف فى ناس حيعملو توم وشمار ناس تيمان البرقو الما بيفترقوا0 اها جاهزين جاهزين0
تنبيه مهم جدا :_
(( بالمناسبة اخوكم مابيعرف اى شى يتعلق باعمال المطبخ عشان كده اتفقت او اتعاقدت مع السرة بت حمد الخير عشان تقوم بجميع الاعمال الخاصة بالقهوة ومستلزماتها ))


آخر تعديل بواسطة صلاح الدين مصطفى في 25 مايو 2009, 17:07، عدل 2 مرات

أعلى
 ;
 
 عنوان المشاركة: Re: فنجان القهوة مع الأستاذ صلاح مصطفى
مشاركةمرسل: 24 مايو 2009, 22:47 
مراقب عام
صورة العضو الشخصية
غير متصل

اشترك في: 18 فبراير 2008, 13:37
مشاركات: 2947
مواضيع: 305
الأستاذ الجليل صلاح
دي أول مرة أقول ليك يا أستاذ لزوم "الدردقة" ولو قلناها تاني الشغلة حتكون فيها حاجز والفنجان لا يحتمل إلا "أن تفك آخرك"
مرحب بيك في فنجان جبنة وشكلها المرة دي الجبنة كاربة بمناسبة وقر والجبنة هناك كمان "غير"

نرحب بك بكل لهجات شرقنا الحبيب ونبدأها بوقر "إيتانينا" أمسي بونون ونيت قداب مهيلون قداب وهاشون قداب دهي أتابو
هلان أون مجلس بهليوك كسو هوي فيفا نات بابادنا

دي جدعة مع البداية

طبعا صديق ما صدق اتفك من أبو الخير راح ناطي عليك بس والله نطة ولا نطة حامد بريمة

_________________
فلنجعل تلاقينا بابَ خيرٍ وعطاء من أجل كســـلا
صورة


أعلى
 ;
 
 عنوان المشاركة: Re: فنجان القهوة مع الأستاذ صلاح مصطفى
مشاركةمرسل: 25 مايو 2009, 06:26 
رئيس فخري
غير متصل

اشترك في: 24 يوليو 2007, 11:24
مشاركات: 3088
مواضيع: 395
الحبيب صلاح
صباح الخير
أولا نرحب بيك في هذا الكرسي الساخن سخونة الجبنة القاعدين نشرب فيها دي. وتاني طبعا أنا في غاية السعادة لاستضافتك خاصة وأن الهبابة المرة دي في يد خبيرة أنا متأكد أنها ما حتخلي القهوة تبرد ولا ثانية ، لاكين واضح إنك ياخوي جاهز وزي ما قالوا ناس الكورة الهجوم خير وسائل الدفاع حاولت ترهبنا جميعا باستعدادك ، لاكين هيهات نحن برضو مستعدين.

اقتباس:
فى يوم الاثنين الموافق 04/04/1958م 0 على فكرة ابو هالة اكل السماية بتاعتى


هذا الكلام صحيح 100% وانا كمان اكلت السماية من مقعد خمسة نجوم مش زي أولاد الدفعة القاعدين في البرش ، لأنو الوالد عليه رحمة الله كان في مامورية في إرتريا فأنا كنت أمثل العائلة. طبعا صحن الفتة الكبير وسلطة الأسود بالدكوة وأنا كنت مستعد في ذلك الزمن أبيع نص عمري عشان صحن سلطة أسود بالدكوة (صراحة كدا الزمن داك ما سمعت بكلمة دكوة وهي من المكتسبات الحديثة بالنسبة لي وما عارف أبو صلاح لو يقدر يساعدنا في مصدر الكلمة ومتين دحلت القاموس السوداني .. أنا عارف متين دخلت الكروش السودانية فقد وجد ذلك في نقش حجري من أيام بعنخي على ما أظن *44 ) ولا مش كدة يا ناس الحفريات
مرحبيتن حبابك واليوم السعيد الليلي جابك ... بس زود لينا حجم الخط شوية عشان أنا وأحوي الكاشف

ودمتم في أمان الله


أعلى
 ;
 
 عنوان المشاركة: Re: فنجان القهوة مع الأستاذ صلاح مصطفى
مشاركةمرسل: 25 مايو 2009, 10:28 
كسلاوي يملا العين
كسلاوي يملا العين
غير متصل

اشترك في: 11 أغسطس 2008, 14:23
مشاركات: 246
مواضيع: 18
الاخ ابو الخير يا بشارة الخير متعك الله بالصحة والعافية شكرا على مرورك كدى اشرب ليك موية من الصبارة اللبنية ديك واقعد استريح
لكن انا متوجس منك خيفة لان البداية بتاعتك يعنى لابد فى الضرة (( الذرة )) لكن انا مستعد جميع كتب القانون والمرجعيات والمطبوعات جاهزة يا ابو الخير غايتو الله يكون فى العون


آخر تعديل بواسطة صلاح الدين مصطفى في 25 مايو 2009, 17:08، عدل 1 مرة

أعلى
 ;
 
 عنوان المشاركة: Re: فنجان القهوة مع الأستاذ صلاح مصطفى
مشاركةمرسل: 25 مايو 2009, 10:42 
كسلاوي يملا العين
كسلاوي يملا العين
غير متصل

اشترك في: 11 أغسطس 2008, 14:23
مشاركات: 246
مواضيع: 18
الاخ عبد المتعال مرحب بيك كدى اقعد وخد الشنطة على جنب القهوة قربت تجهز وطبعا اخوك لا يجيد عمل شى يتعلق بالمطيخ عشان كده استعنت بالاخت السرة بت حمد الخير ومشكورة وافقت على ان تقوم بتجهيز القهوة 0
وقر يا اخ عبدالمتعال من اجمل المناطق التى عشت فيها فى الزمن الجميل زمن الخير ، سوف اتحدث عنها فى وقت لاحق لانو عاوز اجهز ليها بالواضح وقر تاريخ
0


آخر تعديل بواسطة صلاح الدين مصطفى في 25 مايو 2009, 17:09، عدل 1 مرة

أعلى
 ;
 
 عنوان المشاركة: Re: فنجان القهوة مع الأستاذ صلاح مصطفى
مشاركةمرسل: 25 مايو 2009, 11:14 
كسلاوي يملا العين
كسلاوي يملا العين
غير متصل

اشترك في: 11 أغسطس 2008, 14:23
مشاركات: 246
مواضيع: 18
ابوهاله مرحب بيك ويمتعك الله بالصحة والعافية
السرة شايفة الزول الجاى داك دبلوماسي وسفير يعنى عندهم بروتكولات خاصة 0
السرة : يعنى شنو
يا السرة يعنى عندهم تعامل خاص بعدين ده قبل كده اتغدى مع امبراطور اليابان ومرتو يعنى ياكل بالشوكة والسكين0
السرة : شوكة وسكين شنو يا ود مصطفى هو زولك ده مش من ناس كسلا 0
اى يالسرة الزول ده مولود فى كسلا0
السرة : كان كدى خليهو على والله يقعد فى البنبر ده ويشرب الجبنة زى العجب وما تعقد الامور شوكة وسكين داك لزوم الشغل 0
على العموم يا السرة على مسئوليتك انا بره
السرة : بالله عليك ما تعقد الامور اها الزول قرب
مرحب ابو هالة مرحب حبابك اتفضل
ابوهالة الف مرحب كدى اشرب الموية دى باردة بى تلج البن قرب يجهز 0
بعد ما قومته نفسنا انا والسرة بخصوص الدكوة والله ما عندى فكرة لكن مازال البعض بيقول فول مسحون وفى برطمانيات مكتوب فيها زبدة فول ناعم او خشن اها الخشن ده قريب من بتاعتنا الفى السودان وكمان بيحشوها فى السندوتشات وعلى ما اظن من التعريفات السابقة انو تعنى الخلاصة بعد السحن وبرضو سوف ابحث عنها0 ابو هالة سؤالك ده مفروض تسالو لى للاخ الطيب محمود النور نحن اتولدنا بعد استقلال السودان شوف ناس الحرب العالمية الاولى والتانية وحرب التليان ناس يجو عايدين بالمدرع والمكسيم وابقى قمرة جوه القطر وناس ما حضروا ليالى العيد


آخر تعديل بواسطة صلاح الدين مصطفى في 25 مايو 2009, 17:10، عدل 1 مرة

أعلى
 ;
 
 عنوان المشاركة: Re: فنجان القهوة مع الأستاذ صلاح مصطفى
مشاركةمرسل: 25 مايو 2009, 12:09 
كسلاوي يملا العين
كسلاوي يملا العين
غير متصل

اشترك في: 03 نوفمبر 2008, 21:02
مشاركات: 294
مواضيع: 2

الأستاذ صلاح الدين مصطفى

الله يديك العافية باين على جبنتك دي كاربه لأنها بدأت مسخنه من أول يوم وتجاوزت مراحل (القلي ودق البن والجنزبيل والمقدمات الروتينية) بسرعة .

أنا مستغرب في دراستك ماشاء الله عليك يا أستاذ كيف تمكنت من التأقلم مع تلك المناخات المتعددة والتنقل بين تلك المحطات الدراسية وقر ، أروما ، حلفا ، بانت ، كسلا الثانوية ، جامعة الخرطوم
سؤال : ما هو تأثير التنقلات الكثيرة على المستوى الدراسي للطالب ؟

تخريمة : والله يا أستاذ قرايتك دي زي البص السفري ( وقر - أروما - حلفا - كسلا - الخرطوم وبالعكس)

ولك مني خالص التقدير والإحترام أستاذ صلاح الدين



أعلى
 ;
 
 عنوان المشاركة: Re: فنجان القهوة مع الأستاذ صلاح مصطفى
مشاركةمرسل: 25 مايو 2009, 15:51 
كسلاوي فوق العادة
كسلاوي فوق العادة
صورة العضو الشخصية
غير متصل

اشترك في: 21 مايو 2006, 09:32
مشاركات: 1547
مواضيع: 113
مكان: متحدرٌ من ذروة تعب

الأستاذ صلاح
تحية طيبة وجية جميلة ونهاركـ سعيد ونهارنا أسعد بيكـ
وبما أنو البوست دا متلة ومصيدة ومحطة أساسية للناس الكبار فاقدي البصر (جزئياً) (دي تسمية خاصة بي براي) ومعظمهم من المتقاعدين للمعاش فنرجو منكـ أن تتعلم في البوست دا تكبير الخط وتلوينه .. والشغلانة دي أسهل من ونستكـ مع السرة دي
يا عندكـ حل تاني تقنع أبو الخير وعبدالمتعال ديل يباروكـ من مداخلة لمداخلة زي القصاصين ويصلحوا البوستات وراكـ :D
أها شوف الساهل وسوي لينا .. كفاية علينا تعبكـ الفات وكتاباتكـ الصغيرة دي :lol: :lol:

تاني حاجة هل تتضايق من عضو لمن يكتب ليكـ اسئلة كتيرة زي فيصل إتش ؟؟؟
أو يدخل ليكـ أكتر من مرة وكل مرة شايت ضفاري وعامل فيها صاحبكـ من الدرجة الأولى ؟؟؟ :wink: *44

كدي قلنا نسألك الأسئلة دي عشان نحدد حركة سيرنا داخل البوست .. بأقي أنتو الأساتذة ديل منكم جكة وخوف :lol: :lol: :lol:


_________________
صورة
صورة
صورة


أعلى
 ;
 
 عنوان المشاركة: Re: فنجان القهوة مع الأستاذ صلاح مصطفى
مشاركةمرسل: 25 مايو 2009, 17:05 
كسلاوي يملا العين
كسلاوي يملا العين
غير متصل

اشترك في: 11 أغسطس 2008, 14:23
مشاركات: 246
مواضيع: 18
الاخوة نحن فى محاولة لتكبير الخط


أعلى
 ;
 
 عنوان المشاركة: Re: فنجان القهوة مع الأستاذ صلاح مصطفى
مشاركةمرسل: 25 مايو 2009, 19:59 
كسلاوي يملا العين
كسلاوي يملا العين
غير متصل

اشترك في: 11 أغسطس 2008, 14:23
مشاركات: 246
مواضيع: 18
ابو هالة متعك الله بالصحة والعافية
بخصوص الدكوة جبت ليك اصلها وفصلها 0
اصل الكلمة من غرب اقريقيا واستقرت فى مدن دارفور الكبرى
الفول المسحون عندهم الفول المظلوط ويعالج بالمحراكة وبهذا الشكل يستعمل كاضافة الى سلطة الاسود او سلطة الطماطم 0
الفول المظلوط عندما تضاف اليه بعض البهارات ويقطع على شكل قوالب ويرش بالسكر الناعم زى الكعك الناعم يسمى دكوة 0
الدكو النبق عندما يفصل كدقيق ويعمل على شكلة عجينة ثم يعمل على شكل قوالب وينشف يسمى الدكو 0


آخر تعديل بواسطة صلاح الدين مصطفى في 25 مايو 2009, 20:54، عدل 1 مرة

أعلى
 ;
 
 عنوان المشاركة: Re: فنجان القهوة مع الأستاذ صلاح مصطفى
مشاركةمرسل: 25 مايو 2009, 20:22 
كسلاوي يملا العين
كسلاوي يملا العين
غير متصل

اشترك في: 11 أغسطس 2008, 14:23
مشاركات: 246
مواضيع: 18
الاخ عبدالقادر سنوى متعك الله بالصحة والعافية
السرة اخونا عبد القادر عطشان موية كدى اشرب موية ولحقينا فنجان كارب ظاهر عليهو كييف
ملاحظتك جيدة وتعليقك رائع ، عندما نقل الوالد من وقر الى اروما لم يكن هناك تاثير يذكر من التفاهم والتخاطب ، اما عندما نقلنا الى حلفا الجديدة كان هناك فعلا تاثير واضح فى كثير من النواحى اولا لم نكن نعرف اضافة حرف الشين فى اواخر الكلمة مثلا ما قالى وجدناها تنطق ما قاليش ما عارف تنطق عندهم ما اعرفشى
اما هناك بعض الاسماء لم تكن مالوفة زى علام ، لاشين ، عقيل ، عقلان وعبده مترجم ، البهنسي وعويس طبعا لقربهم من مصر وتداخل بعض القبائل المصرية زى البصاولة 0
اغرب شى فى حلفا الجديدة كان الشيشة لم تكن معروفة لدينا تماما وكنا نعتقد ان الشخص بيشرب الموية بتاعة الشيشة مع الدخان0
وكمان حصادة القمح طبعا نحن كنا بنعرف وحدنا الكومر والسفنجة والتيمس والاندروفر اما شى بهذه الضخامة ما كان مالوف لدينا 0
طبعا ما فى اى تاثير لانو فى المدرسة وجدنا زملاء من اشلاق البوليس من كسلا والقضارف واروما طبعا مركز بوليس حلفا افتتح جديد، ثم بعد ذلك عندنا الى كسلا والعود احمد


أعلى
 ;
 
 عنوان المشاركة: Re: فنجان القهوة مع الأستاذ صلاح مصطفى
مشاركةمرسل: 25 مايو 2009, 20:50 
كسلاوي يملا العين
كسلاوي يملا العين
غير متصل

اشترك في: 11 أغسطس 2008, 14:23
مشاركات: 246
مواضيع: 18
الاخ صديق رحمة كيف حالك اتفضل
السرة على فكرة الولد ده انا درستو كدى اشرب ليك موية والبن ملحوق طبعا السرة دى مندهش منها لانو تحضير الجبنة بتاعتك اتعبتك شوية واصابعينك اشوشو من النيران شايف اخوك حريف كيف الفكرة اختها من برنامج شوارد بتاع بتنا كوثر بيومى 0
السرة لحقينا فنجانين 0
صديق موضوع الخط محلول وما حاتعب ابو الخير وعبد المتعال لانو استعنت بصديق الابن يوسف وشرح لى الطريقة وزى ما قلت ساهلة بس ما زى ونستى مع السرة قبل ما تجى كان الشكلة مع السرة فى موضوع الجنزبيل قالت لى الجبتو ده قديم ومبلول 0
الاسئلة متاحة والتداخل مفتوح اوبن بوفيه كان الواحد تداخل اكثر من مرة برضو مافى مشكلة وانا جاهز ما شايف ابو هالة طفشنى وين من اول سؤال عن الدكوة انا عامل حسابى 0
تخريمة بينى بينك وجيب اضانك قريب السرة ما تسمع موضوع السرة عامل قلق مع ام يوسف 0


أعلى
 ;
 
 عنوان المشاركة: Re: فنجان القهوة مع الأستاذ صلاح مصطفى
مشاركةمرسل: 25 مايو 2009, 21:28 
كسلاوي يملا العين
كسلاوي يملا العين
غير متصل

اشترك في: 11 أغسطس 2008, 14:23
مشاركات: 246
مواضيع: 18
الاخ عبد المتعال متعك الله بالصحة والعافية
كدى اشرب ليك فنجان بن كارب وكدى نتكلم شوية عن مدينة وقر فى بداية الستينيات، داووين الحكومة كانت فى منطقة الجامع الكبير ، نقطة البوليس والشفخانة والصحة والمحكمة ، بها ايضا مدرسة اولية للاولاد واخرى للبنات والمدرسة المصرية والبوستة 0
كانت فى الخريف تنعزل تماما والنشاط الاقتصادى الزراعة والرعى والتجارة وهى امتداد لمشروع دلتا القاش الزراعى ، يسكنها عدة قبائل من البجة والهوسا والمناصير 0
السوق به العديد من المحلات التجارية والحدادة والخياطين والمطاعم ،من اشهر التجار العم على نيرى والعم المجدوباوى وزيارات متقطة للناظر الامين ترك عليه رحمة الله 0
السينما المتجولة زياراتها بين الحين والاخر والغريب فى الامر ان هناك شى مدبر بالنسبة للاطفال وعلى ما اظن مدبر ، عربية السينما تلف فى المدينة وبالمكرفون يحدد مكان العرض والاطفال جارين ورى العربية لحدى ما تجى لمكان العرض ، وعندما يبداء العرض يكون الاطفال فى سابع نومة من شدة التعب والارهاق ويستمتع الكبار بالعرض0
من اصحاب اللوارى المرحوم كابو والعم ابو خريف 0
هناك شخصية لا تنسي الاخ شقيرة كان لاعب جمباز ماهر وتعلمنا منه بعض الالعاب المشى على الايدى وتسمى مشية العقرب واجدنا هذه المشية وعلى فكرة قبل مدة شاهدت فى التلفزيون شخص تحصل على جائزة مقدرة عند طلوعه ثلاثة طوابق بهذه المشية يعنى الواحد كان واصل فيها كان له شان 0


أعلى
 ;
 
 عنوان المشاركة: Re: فنجان القهوة مع الأستاذ صلاح مصطفى
مشاركةمرسل: 26 مايو 2009, 07:09 
رئيس فخري
غير متصل

اشترك في: 20 يناير 2007, 11:00
مشاركات: 2022
مواضيع: 102
الأستاذ الفاضل صلاح الدين مصطفى .................تحية وسلام
والله جبنتك كاربة خاصة بعد التعاقد مع الخبيرة ( السرة ) والموية المتلجة ، حاجات جديدة القبلك ما إنتبهو ا ليها ، الخبرة تلعب دورها .
الدكوة جضمتها وأضفت لنا جديد ، حسب معلوماتي الجماعة لابدين ليك ، إنتبه !!!!
بانت المتوسطة ، تصدق يا أستاذ صلاح أنا درست أول دفعة فيها وكان إفتتاحها في مدرسة غرب القاش المتوسطة وكان ذلك في عام ............. جيب لي خبرها . من تلاميذ الدفعة آنذاك : ختم خليل ، محمد الشبلي ، يوسف بشير ، حسن كرم ، عبدالله علي عبد العزيز وآخرون .
كدا طلعت إنت شباب ، إطمئن يا أبو يوسف .
كيف دخلت مجال التدريس وكم سنة وآصلت فيهو ؟؟؟؟
أولاد دفعة ما زالوا في الذاكرة .
في وآحد إسمو فيصل H أعمل حسابك منو!!!!!!!!!
لك مودتي .


أعلى
 ;
 
 عنوان المشاركة: Re: فنجان القهوة مع الأستاذ صلاح مصطفى
مشاركةمرسل: 26 مايو 2009, 08:02 
رئيس فخري
غير متصل

اشترك في: 24 يوليو 2007, 11:24
مشاركات: 3088
مواضيع: 395
الحبيب أبو صلاح
صباح الخير
اقتباس:
يا السرة يعنى عندهم تعامل خاص بعدين ده قبل كده اتغدى مع امبراطور اليابان ومرتو يعنى ياكل بالشوكة والسكين0


ما يبقى ليك كلامك دا مشاتر يا خوي ، قصة حقيقية وحصلت واحد صديق عزيز جدا من ناس الجزيرة عزمني يوم غدا ويكاب (ود الريح مسميها طبعا wake up) كارب زي قهوتكم دي. لمن جابو لينا الغدا حاجة السرة جابت الشوكة والسكين قلت ليها: "إنتو بتاكلوا المصيبة دي بالشوكة والسكين" قالت: "لا... لاكين دحين انت ماك سفير؟" :lol:

تخريمة: نشكرك صديق ود رحمة على اهتمامك بنظرنا البقى نص نص (على حد قول نانسي بت الشيخ عجرم).

ودمتم في أمان الله

_________________
يا حليل الانجليز


أعلى
 ;
 
عرض مشاركات سابقة منذ:  مرتبة بواسطة  
إرسال موضوع جديد هذا الموضوع مغلق ، لا تستطيع تعديله أو إضافة الردود عليه  [ 102 مشاركة ]  الانتقال إلى صفحة 1, 2, 3, 4, 5, 6  التالي

جميع الأوقات تستخدم GMT + 3 ساعات


الموجودون الآن

المستخدمون المتصفحون لهذا المنتدى: لا يوجد أعضاء مسجلين متصلين و 2 زائر/زوار


لا تستطيع كتابة مواضيع جديدة في هذا المنتدى
لا تستطيع كتابة ردود في هذا المنتدى
لا تستطيع تعديل مشاركاتك في هذا المنتدى
لا تستطيع حذف مشاركاتك في هذا المنتدى
لا تستطيع إرفاق ملف في هذا المنتدى

البحث عن:
الانتقال الى:  

Powered by phpBB © . Design by Art-En
Translated by phpBBArabia