جميع الأوقات تستخدم GMT + 3 ساعات

آخر المشاركات
    .. كسلا الوريفة ..     »  قد يباع التاريخ في كسلا   .:.  اخر رد: عبدو منصور  .:. الردود: 69     .. كسلا الوريفة ..     »  عالم زين   .:.  اخر رد: يوسف حسن العوض  .:. الردود: 0     .. كسلا الوريفة ..     »  حيرة   .:.  اخر رد: الدرديري كباشي الامين  .:. الردود: 560     .. كسلا الوريفة ..     »  اشتقنالك   .:.  اخر رد: خالد عوض السيد  .:. الردود: 0     .. كسلا الوريفة ..     »  الخواء /قصه قصيره   .:.  اخر رد: فايز النورس  .:. الردود: 1     .. كسلا الوريفة ..     »  يا أحبابي أنا جيتكم مهرول   .:.  اخر رد: ابو اسيل  .:. الردود: 9     .. كسلا الوريفة ..     »  دعوة لوالى كسلا في يوم السياحة العالمي   .:.  اخر رد: عبدو منصور  .:. الردود: 1     .. كسلا الوريفة ..     »  قرع طبول في الأحراش (قصة قصيره)   .:.  اخر رد: فايز النورس  .:. الردود: 0     .. كسلا الوريفة ..     »  أيام زمان .. نسخة جديدة منقحة   .:.  اخر رد: الدرديري كباشي الامين  .:. الردود: 221     .. كسلا الوريفة ..     »  شهادة الترابي .. كاد المريب ان يقول خذوني   .:.  اخر رد: عبدو منصور  .:. الردود: 1


إرسال موضوع جديد هذا الموضوع مغلق ، لا تستطيع تعديله أو إضافة الردود عليه  [ 268 مشاركة ]  الانتقال إلى صفحة 1, 2, 3, 4, 5 ... 16  التالي
الكاتب رسالة
 عنوان المشاركة: فنجان جبنة في توتيل مع الاستاذ/ زهير الزناتي
مشاركةمرسل: 06 فبراير 2013, 08:11 
مشرف منتدى
غير متصل

اشترك في: 21 يونيو 2007, 10:14
مشاركات: 1016
مواضيع: 110
ضيفنا على قمة توتيل رجل يعشق الناس والأرض متعهد بزرع المحبة في قلوب الآخرين وسيم الابتسامة هاديء الطبع ساخر المعاني له شارب تتغنى به الحسان.. وقلم يفصح عن لسان طروب .. مابين كسلا الخضراء وابو جبيهة الخضرة سرت به خُطاه الى شمال الوادي (الزقازيق ) فنهل منها ما يروي ظمأ العقول الراجحة .. تاريخه مليء بالمواقف الملتزمة (لا يتعامل مع اللون الرمادي) فهو ينتمي الى امة تدمن الحرية.
رحبو معي بالناشط الاسفيري زهير الزناتي

_________________


ياحـِــمِّـيـــد أقِــيـــف شـَــوف الـخـُـلُـــوق مَـحــنَــانــه كفْـكِــف دمْـعـتـَــك والـعـَـبـْــرَه فـــُوت خـَـنــَقـَـــانـــه ...


أعلى
 ;
 
 عنوان المشاركة: فنجان جبنة في توتيل مع الاستاذ/ زهير الزناتي
مشاركةمرسل: 06 فبراير 2013, 08:48 
كسلاوي فوق العادة
كسلاوي فوق العادة
صورة العضو الشخصية
غير متصل

اشترك في: 19 فبراير 2008, 15:43
مشاركات: 3951
مواضيع: 380
شكراً اخي اب احمد علي التقديم
الف مرحب بيك استاذي زهير في فنجان جبنة بمنتجع توتيل ...
في البداية مع الفنجان الأول كالمعتاد :
- السيرة الذاتية
- الميلاد والنشأة
- افراد الاسرة
- مراحل التعليم
ومن ثم الاندياح في سجلات الذكريات الحافلة بالواقف الشجية
نحن سعداء بك في هذا الصباح

_________________

اللهم اجعلنا ممن يحافظ على صلاة الفجر,,, ونجينا من عذاب القبر ,,,, وضربات الشجاع الاقرع


أعلى
 ;
 
 عنوان المشاركة: فنجان جبنة في توتيل مع الاستاذ/ زهير الزناتي
مشاركةمرسل: 06 فبراير 2013, 09:26 
كسلاوي فوق العادة
كسلاوي فوق العادة
غير متصل

اشترك في: 25 مارس 2009, 17:47
مشاركات: 821
مواضيع: 56

صورة


_________________
صورة


آخر تعديل بواسطة أحمد محمد سليمان في 06 فبراير 2013, 11:48، عدل 1 مرة

أعلى
 ;
 
 عنوان المشاركة: فنجان جبنة في توتيل مع الاستاذ/ زهير الزناتي
مشاركةمرسل: 06 فبراير 2013, 09:51 
كسلاوي تمام
كسلاوي تمام
غير متصل

اشترك في: 25 ديسمبر 2010, 09:59
مشاركات: 194
مواضيع: 1
الواحد حاسي انه في ورطة حقيقية ، بعد عثمان طه ودرديري كباشي واحمد داير .... لمن احترت ادخل من وين واقول شنو ... غايتو دي مؤامرة اكيد وراها احمداني ولا طارق سيد احمد انا قاطع شك في الكلام ده ... وخاصة بعد الترحيب الحار من الأعزاء أبراهيم وأبو الخير .. وديل ناس كسلا .. أهلي حقيقة لا مجاز ... لأن أسرتنا رغم أن جذورها البعيدة لا تنتمي لشرق السودان ، إلا أن ما نبت من جذور في هذه المدينة جعلنا وكأننا لم نعرف أرض غيرها ، وأجزم بأن كثير من عائلات وأسر المدينة تربطنا بها علاقات دم مصاهرة ومن كل القبائل ... والما نسيبنا نسيب نسيبنا ... ودي كسلا التماذج والتصاهر ... وأتمني أن أكون قدر الآمال والطموح بس يا ريت لو جيت قبل الثلاثي المرعب ... زي بتاع ميلان في عصره الذهبي ... وشكري للجميع بلا فرز ، وأنا رهن كسلا وأهل كسلا في كل وقت ...


أعلى
 ;
 
 عنوان المشاركة: فنجان جبنة في توتيل مع الاستاذ/ زهير الزناتي
مشاركةمرسل: 06 فبراير 2013, 10:32 
رئيس فخري
غير متصل

اشترك في: 30 أغسطس 2008, 14:10
مشاركات: 935
مواضيع: 51
عزيزى زهير
تحياتى ودعواتى
يا خوى سيب التواضع أولا نحنا الخايفين من الفنجان اليمسح ما قبله . أنا سعيد بأن فى الفنجان جزء من حلة جديد ...وربما تكملة أو سد نقص للحديث عن المنطقة الشرقية فى السعودية ..اى من الخبر ألى الدمام وهو كالفرق بين حلة جديد وتقاطع الثورة _ أبو خمسة _ المربعات . أذا كان هناك من ميزة محبوبة فهى حديث متوقع عن النضال فى سبيل قضايا الشعب ...أجمل من رائحة النضال لم أشم رائحة .
لا نطيل ونترك الفرصة للمرحبين ..خاصة زملاء مدرسة المزاد وأبناء الحى ودفعة الزقازيق أن وجدوا .
موفق أن شاء الله .


أعلى
 ;
 
 عنوان المشاركة: فنجان جبنة في توتيل مع الاستاذ/ زهير الزناتي
مشاركةمرسل: 06 فبراير 2013, 10:37 
كسلاوي تمام
كسلاوي تمام
غير متصل

اشترك في: 25 ديسمبر 2010, 09:59
مشاركات: 194
مواضيع: 1
شكراً داير صاحب القلم المفضل لي ... وكاتبي الأثير وود حلتنا .. وأستاذنا واخونا الكبير ورفيق الغربة ... لك تحياتي وشكراً لك علي هذه الثقة ...


أعلى
 ;
 
 عنوان المشاركة: فنجان جبنة في توتيل مع الاستاذ/ زهير الزناتي
مشاركةمرسل: 06 فبراير 2013, 10:57 
مراقب عام
صورة العضو الشخصية
غير متصل

اشترك في: 18 فبراير 2008, 13:37
مشاركات: 2947
مواضيع: 305

صورة


مرحبا بك استاذ زهير
جبنة محضورة وجاهزة ببخورا
انا غايتو حاتحكر وما يحلك شوال بن من القعدة دي

فنجان جبنة معاك يعني الكثير ونحن في انتظارك...

_________________
فلنجعل تلاقينا بابَ خيرٍ وعطاء من أجل كســـلا
صورة


أعلى
 ;
 
 عنوان المشاركة: فنجان جبنة في توتيل مع الاستاذ/ زهير الزناتي
مشاركةمرسل: 06 فبراير 2013, 11:00 
كسلاوي تمام
كسلاوي تمام
غير متصل

اشترك في: 25 ديسمبر 2010, 09:59
مشاركات: 194
مواضيع: 1
طيب ...
الأسم : زهير محمدعثمان محمدعبدالجليل احمدعطيةمحمدعمران
يعني مافي اسم الزناتي ... ودي حكاية طويلة انشاء الله نحكيها ..
الوالدة: زينب عبد الله عمر عثمان الأنصاري
المولد حلة جديد ودي حكاية أخري لأنه حي يعبر عن الواقع الإحتماعي والأثني لمدينة كسلا ..
درست أولي في الحامية مع اولاد حلة جديد وإشلاقي الحامية والبوليس .. وسنة ثانية في مدرسة بورتسودان الغربية بديم مدينة ثم ثلاثة ورابعة في مدرسة الحامية ، اما خامسة وسادسة في مدرسة التاكا مع اولاد ابو خمسة وحلة حلوف
المدرسة المتوسطة في المزاد مع اولاد 16 و 18 و25 النوراب ..
الثانوية في أم المدارس والحب الكبير كسلا الثانوية .. حيث بدأت تتكون شخصياتنا المستقلة .. وذقنا فيها طعم الحرية وخرجنا من نطاق الحي إلي رحاب كسلا وكل أبناء كسلا من كل الأحياء من الحلنقة في الشمال وناس خالد اري وجلال وعصمت علي أحمد أوشيك لغاية اولاد الختمية ناس خالد العمدة إلي غرب القاش وحي العمال وبانت وحي العرب ناس الدسوقي والتجاني وحديدوز وحسن عبد الرحيم والسواقي ناس جمال وأمين ..
امتحتنت مرة أخري من مدرسة أبو جبهية الثانوية في جنوب كردفان
ومنها لحامعة الزقازيق شمال شرق القاهرة في مصر ...
وكل محطة وليها حكايات وحكايات ....


آخر تعديل بواسطة زهير الزناتي في 06 فبراير 2013, 12:38، عدل 1 مرة

أعلى
 ;
 
 عنوان المشاركة: فنجان جبنة في توتيل مع الاستاذ/ زهير الزناتي
مشاركةمرسل: 06 فبراير 2013, 11:09 
كسلاوي تمام
كسلاوي تمام
غير متصل

اشترك في: 25 ديسمبر 2010, 09:59
مشاركات: 194
مواضيع: 1
عبد المتعال يا حبيبنا تشكر علي الجبنة الجميلة ما تقول الواحد متقريف لجبنة كسلا وناس كسلا ... وما مشكلة نزيد خبة الضغط حبة .. عشان خاطر الحبايب .. بس شايف صاحبك أحمداني مشي شاف أكتر صورة تظهر الشيب وآثار السنين ... وجابها ... ياخي لو ختف رجله لو جوه شوية ... كان لقي ليهو واحدة شباب ... لكن واضح انه دي مؤامرة ... حالته ودي حلتي ... هاهاهاهاههااه ... وانشاء الله اقدر اقيف في المحطات دي كلها بالرواقة


أعلى
 ;
 
 عنوان المشاركة: فنجان جبنة في توتيل مع الاستاذ/ زهير الزناتي
مشاركةمرسل: 06 فبراير 2013, 11:21 
كسلاوي تمام
كسلاوي تمام
غير متصل

اشترك في: 25 ديسمبر 2010, 09:59
مشاركات: 194
مواضيع: 1
يمكن في ناس كتار بيعرفوا أسرة الزناتي في محطة الحجر وبيتهم جنب الدومة ... بس بيكونوا متحيرين من انه الناس الحمر والحلب ديل الجابهم كسلا شنو .. خاصة بعد سنوات الإنقاذ وكل زول بقي بيسأل عن قبيلة الواحد قبل ما يسأله من أسمه .. بالتأكيد نحن لسنا ضد القبيلة ولكن ضد القبلية .. بمعني القبيلة كيان اجتماعي مهم في التشكيل الإجتماعي لبلد كالسودان ، لكن بكل تأكيد نرفض كل تصنيف علي أساس القبيلة أو الجهة أو العرق .. فالناس سواسية كأسنان المشط ... والبلد كبيرة وخيرها كتير يكفي عشر أضعاف السكان الجاليين .. والناس ديل كلهم أهل ويربطهم الكثير ... أنا علي المستوي الشخصي لا تهمني أصول الشخص قدرما يهمني الشخص نفسه .... نرجع لعمنا الزناتي الله يرحمه ... جاء جدنا عثمان الزناتي من صعيد مصر من قرية أسمها الضبعية ... وهي قرية في البر الغربي لمدينة الأقصر الشهيرة بآثارها وعلي بعد 4 كيلومترات من وادي الملوك وهي المنطقة التي تحتوي علي ثلث آثار العالم ... جاء حدنا عثمان بعد أن أختلف مع عمه في الأرض وإحتراماً له غادر إلي السودان وكان الكلام ده في بداية القرن العشرين حوالي عام 10 أو ما قبله .... وجاء ليعمل في الري المصري علي ما أعتقد ... وهنالك تزوج جدتنا بواسطة السادة الأدارسة ، لأن عائلة حبوبتنا تربطها أوثق الصلات بعائلة السيد الإدريسي ووبينهما كثير من المصاهرات .... وخلف نفيسة عثمان الزناتي ومحمد عثمان الزناتي ... أما اسم الزناتي فهو لقب لعائلة جدنا في صعيد مصر ... حيث ينتشر ذلك الأسم ويعرف كل شخص من تلك العائلة خارج القرية بأسم فلان الزناتي ولكن لا يستخدم داخل القرية لأن الكل زناتي .... أما جدنا هذا فقد أختلف مع والد زوجته وقيل بأنه غادر الخرطوم علي صهوة جواد وكان رجلاً صعب المراس حاد المزاج ... ولم يعد حتي يومنا هذا ... وهذا يعني بأن لدينا أبناء عمومة إذا ما تزوج هذا الرجل وخلف أبناء وهي مناسبة للبحث عن أبناء عم مفترضين لأن أخبره قد أنقطعت تماماً وحتي يومنا هذا ...


أعلى
 ;
 
 عنوان المشاركة: فنجان جبنة في توتيل مع الاستاذ/ زهير الزناتي
مشاركةمرسل: 06 فبراير 2013, 11:54 
كسلاوي فوق العادة
كسلاوي فوق العادة
صورة العضو الشخصية
غير متصل

اشترك في: 19 يونيو 2008, 12:40
مشاركات: 556
مواضيع: 32
مكان: جده
الاخالحبيب وزميل الدراسه والصديق العزيز زهير الزناتي مرحب بيك في فنجان يحمل نكهة طاعمة من الزمن الجميل وانت تجوب بنا في
كسلا في عصرها الزاهر ........بالله عليك حبة حبة شان الواحد يشرب الجبنة دي بي مزاج كده ونعرف حاجه ..... ماتقوم تكلفتنا .... المؤامرة تهون في حب كسلا وحب ناس كسلا بداية اهديك هذه الابيات ( للشاعرة بت كسلا روضة الحاج )كترحيب في هذا الفنجان لك وكل الاعضاء والزوار عشاق كسلا :
يا صادحاً بضفاف النيل غنينى واذكر ديار أليف جد مفتون
والورد يضحك والأنسام فى دعة فأين(قرطبه) فى شهر تشرين
فجئت يا كسلا الخرطوم يدفعنى عزم اكيد له الأمال تحدونى
للفجر يطلع من توتيل مبتسماً وللأصيل اذا حياك يحيينى
ولهف نفسى الى رؤياك يظمئنى من يأتنى قطرات منك تروينى
فجئت يا كسلا الخرطوم يدفعنى عزم اكيد له الأمال تحدونى
فهزنى المى وأشتد بى سقمى وأشتقت يا حلمى للأرض والطين
للفجر يطلع من توتيل مبتسماً وللأصيل اذا حياك يحيينى
اواه يا كسلا فالشوق يزحمنى وذكرياتى بذاك الحى تعزينى
ولهف نفسى الى رؤياك يظمئنى من يأتنى قطرات منك تروينى
ما كان بعدى عن سأم ولا ملل لكن دروب المعالى تلك تدعونى
فجئت يا كسلا الخرطوم يدفعنى عزم اكيد له الأمال تحدونى
لكننى لم أجدها مثل ما عهدت اما رؤوما لفقدى قد تواسينى
فهزنى المى وأشتد بى سقمى وأشتقت يا حلمى للأرض والطين
للقاش للفاتنات الخضر يطربن فى الشط لفوح أريج للبساتين
للفجر يطلع من توتيل مبتسماً وللأصيل اذا حياك يحيينى

_________________
الاتَنْصُرُوهُ فَقَدْ نَصَرَهُ الله إِذْ أَخْرَجَهُ الَّذِينَ كَفَرُوا ثَانِيَ اثْنَيْنِ إِذْ هُمَا فِي الْغَارِ إِذْ يَقُولُ لِصَاحِبِهِ لَا تَحْزَنْ إِنَّ الله مَعَنَا فَأَنْزَلَ الله سَكِينَتَهُ عَلَيْهِ وَأَيَّدَهُ بِجُنُودٍ لَمْ تَرَوْهَا


أعلى
 ;
 
 عنوان المشاركة: فنجان جبنة في توتيل مع الاستاذ/ زهير الزناتي
مشاركةمرسل: 06 فبراير 2013, 12:04 
رئيس فخري
صورة العضو الشخصية
غير متصل

اشترك في: 11 يوليو 2007, 13:17
مشاركات: 1359
مواضيع: 118
بسم الله الرحمن الرحيم
السلام عليكم ورحمة الله تعالى وبركاته


اهلا وسهلا بالاستاذ صديق الوريفه والفيس بوك
انا كنت مفتكرك خارج السعوديه مش عارف ليه وديتك اليمن وانك مقيم فيها
ايضا تشاركنا فى مدرسة المزاد الثانويه العامه ايامنا وارجو عندما تصل اليها
ان تركز لنا فيها وفى اى اعوام كنت ومن هم دفعتك والمدير والاساتذه لانى
حاسى كدى كنا فى حوش واحد
اخيرا سعيد جدا جدا بهذه البدايه وبارائك الجريئه فى الفيس عن الجماعه وحكومتهم
واتمنى لك التوفيق والسدد
ملحوظه
ارجو تكبير الخط لانه يوجد جلاكين حتى بالنظاره عاوزين تكبير وشكرا


أعلى
 ;
 
 عنوان المشاركة: فنجان جبنة في توتيل مع الاستاذ/ زهير الزناتي
مشاركةمرسل: 06 فبراير 2013, 12:10 
رئيس فخري
صورة العضو الشخصية
غير متصل

اشترك في: 27 مايو 2008, 21:45
مشاركات: 1583
مواضيع: 183
زهير الزناتي كتب:
بالتأكيد نحن لسنا ضد القبيلة ولكن ضد القبلية ..



ونحن معاك . .

نرحب بالاستاذ زهير الزناتى . . والبداية فيها مؤشرات ودلائل الامتاع واضحة وباينة . .

زهير الزناتي كتب:
المولد حلة جديد ودي حكاية أخري لأنه حي يعبر عن الواقع الإحتماعي والأثني لمدينة كسلا ..
درست أولي في الحامية مع اولاد حلة جديد وإشلاقي الحامية والبوليس


معليش وقبل ماتمشى بعيد . . ياريت ترجع و تسد ثغرات التواريخ . . وكبر الخط شوية . . فى الغالب نتابع بالموبايل . . ربنا يديك العافية . . حانكون متابعين ومستمتعين إن شاء الله .

_________________
((يكون الأنسان غنياً بقدر الأشياءالتى يستطيع أن يتنازل عنها دون عناء )) من دفتر الشهيدة :السستر أمانى الشريف مصطفى


أعلى
 ;
 
 عنوان المشاركة: فنجان جبنة في توتيل مع الاستاذ/ زهير الزناتي
مشاركةمرسل: 06 فبراير 2013, 12:20 
كسلاوي فوق العادة
كسلاوي فوق العادة
غير متصل

اشترك في: 28 سبتمبر 2010, 10:25
مشاركات: 724
مواضيع: 66
الاخ الكريم زهير
مرحباً بك في هذا الفنجان المحضور منذ
البداية والمشروب بمزاج ورواقة و لهفة وطبعاً
هناك الكثير الذي سوف تفصح عنه ولكن كلما
جاء ذكر الزقازيق وكلية التجاره حيث تزاملنا وتعارفنا
وتولدت بيننا الصحبة الجميلة و الاخوة الصادفة
شعرت بجاحة لاستعادة تلك الايام الجميلة فمرحباً
بك ضيفاً علي هذا الفنجان وفي الطريق سوف نتذكر
الكثير تحياتي


آخر تعديل بواسطة عماد الدين حسين الطاهر في 06 فبراير 2013, 12:32، عدل 1 مرة

أعلى
 ;
 
 عنوان المشاركة: فنجان جبنة في توتيل مع الاستاذ/ زهير الزناتي
مشاركةمرسل: 06 فبراير 2013, 12:28 
كسلاوي تمام
كسلاوي تمام
غير متصل

اشترك في: 25 ديسمبر 2010, 09:59
مشاركات: 194
مواضيع: 1
صديقي وأخي الحبيب طارق سيد احمد ... انت أحد الذين جاءوا بي لهذا المكان منذ البداية ... طارق زميل دراسة في التاكا ، والمزاد وكسلا الثانوية ، يعني زي الطابعة في الجواب محل ما امشي معاي ... وهو كان من الطلاب المثاليين قمة في الأدب والتهذيب والشطارة وكنا في الضفة الأخري من النهر ... وهو من الذين يحتلون حيزاً كبيراً في القلب .. رغم أن السنوات فرقت بنا إلا أن حبل الوداد لا زال متصلاً .. له الشكر علي تواصله مع الناس أجمعين ... وربطنا بكل أولاد الدفعة ... وهديتك ما بناباها لكن الفيك أتعرفت ... وورضة الحاج شاعرة بحق وحقيقة وللمدينة أن تفتخر بها ... رغم تباعد المواقف السياسية ... فلها التحية ...


أعلى
 ;
 
 عنوان المشاركة: فنجان جبنة في توتيل مع الاستاذ/ زهير الزناتي
مشاركةمرسل: 06 فبراير 2013, 12:29 
كسلاوي فوق العادة
كسلاوي فوق العادة
صورة العضو الشخصية
غير متصل

اشترك في: 19 يونيو 2008, 12:40
مشاركات: 556
مواضيع: 32
مكان: جده
يازهير عم جعفر ده ولادرس معانا ولا بنعرفوا شفت اكان قت شفتو في المدرسة ساكت مع ناس (عمر تلي )و( الو الشين )ا نت ولا الدرديري ده طرفي منكم ولا قريت معاكم ولا بعرفكم====بعدين ياعم جعفر اسا الجاب سيرة اليمن شنو الراجل بيقول ليك من مصر تجري لابو يمن مالك علينا ؟؟؟اقصد عليهم ( ياخي انتو اي حلبي يماني ) ( يمكن يكون مسررررررري )
اها وناس الحلبي بيقرب ليكم شنو يازهير
--- وبعدين ابووئام يعني لازم التواريخ ماتخلي الحكاية عايمة كدة
يازهير ياخي امش اول حاجة احلق ليهم الشنب او خففو اس الشباب ديل بعد شوية حيقولو ليك اها وبعدين ياعمو زهير واحمداني خاتي ليك صور من الامس
((جبت لينا الهواء ))

_________________
الاتَنْصُرُوهُ فَقَدْ نَصَرَهُ الله إِذْ أَخْرَجَهُ الَّذِينَ كَفَرُوا ثَانِيَ اثْنَيْنِ إِذْ هُمَا فِي الْغَارِ إِذْ يَقُولُ لِصَاحِبِهِ لَا تَحْزَنْ إِنَّ الله مَعَنَا فَأَنْزَلَ الله سَكِينَتَهُ عَلَيْهِ وَأَيَّدَهُ بِجُنُودٍ لَمْ تَرَوْهَا


أعلى
 ;
 
 عنوان المشاركة: فنجان جبنة في توتيل مع الاستاذ/ زهير الزناتي
مشاركةمرسل: 06 فبراير 2013, 12:32 
كسلاوي تمام
كسلاوي تمام
غير متصل

اشترك في: 25 ديسمبر 2010, 09:59
مشاركات: 194
مواضيع: 1
جعفر يا صديق الأسافير وإبن مديتنا الولود ... لك كل التحايا وأشكرك علي الترحيب ... وأنشاء الله حا نعدي علي كل المحطات دي محطة محطة بالتفاصيل ... وأكيد اتقاطعت دروبنا بس ما يتخيل لي في أي مرحلة من مراحل الدراسة يا عجوز ... هاهاهاهاهاه بعدين الجماعة ديل نحن بنقيف ضد سياساتهم من أجل الوطن ، يعني ما عندنا معاهم أي مشكلة لو أتصلحوا هاهاهاهاههااه ...


اها الخط كده كيف يا جلاكين


أعلى
 ;
 
عرض مشاركات سابقة منذ:  مرتبة بواسطة  
إرسال موضوع جديد هذا الموضوع مغلق ، لا تستطيع تعديله أو إضافة الردود عليه  [ 268 مشاركة ]  الانتقال إلى صفحة 1, 2, 3, 4, 5 ... 16  التالي

جميع الأوقات تستخدم GMT + 3 ساعات


الموجودون الآن

المستخدمون المتصفحون لهذا المنتدى: لا يوجد أعضاء مسجلين متصلين و 1 زائر


لا تستطيع كتابة مواضيع جديدة في هذا المنتدى
لا تستطيع كتابة ردود في هذا المنتدى
لا تستطيع تعديل مشاركاتك في هذا المنتدى
لا تستطيع حذف مشاركاتك في هذا المنتدى
لا تستطيع إرفاق ملف في هذا المنتدى

البحث عن:
الانتقال الى:  

Powered by phpBB © . Design by Art-En
Translated by phpBBArabia